Fatmir Z. Arifi: Ka shumë Dimala në këtë vend!

Lufta e Përgjithëshme e Ushtrisë Çlirimtare të Kosovës ishte një domosdoshmëri historike, në kohën kur politikat shtetëror me karakter gjenocidarë të Serbis aplikoheshin mbi shqiptarët e Kosovës.

Me dekada të tëra, shqiptarët, ndonëse ishin numerikisht popullsia e tretë në kuadër të Jugosllavisë, ata ishin të privuar nga të gjitha të drejtat e tyre historike, politike, ekonomike, kulturore dhe njerëzore.

Mungesën e këtyre të drejtave, qarqet e caktuara ndërkombëtare e interpretonin në kuadërin teorik të të drejtave të njeriu, jo në rafshin e të drejtës për vetvendosje të popujve të shtypur.

Me këtë rast, të tilla qarqe ndërkombëtare, fshehnin aplikimin e politikave gjenocidare të shtetit serb kundrejt popullsisë shqiptare.

Megjithatë, që në vigjëlie të saj, lufta e drejtë dhe e përgjithëshme çlirimtare nuk i’u njoh legjitimiteti i plotë që meritonte.

Si e till, ajo shpesh u stigmatizua si “terroriste”. Kishte tentativa që të legjitimohej dhe si luftë të karakterit religjioz.

Të gjitha këto pretendime, dëshmuan të kundërtën e kësaj ndërmarrje të përbashkët kriminale për ta delegjitimuar luftën e drejtë të një kombi për të u liruar nga shtypja, shkombëtarizimi dhe shfarosja, si i till.

Kjo ishte si rezultat konsistencës të ruajtjes së traditës së rilindasëve kombëtar shqiptar…!

Por, pas përfundimit të luftës, në vend që sakrifica e popullit shqiptarë të Kosovës të nderohej si një akt emancipues për lirinë dhe të drejtën e tij, filloi një fazë e re: stigmatizimin e Luftës së Përgjithshme Çlirimtare.

Ky stigamtizim, nuk ka ardhur vetëm nga jasht Kosovës. Por dhe nga një pjesë e investuar brenda Kosovës!

Investimi i parë për stigmatizimin e Luftës së Përgjithshme Çlirimtare, nisi me mediat!

Një pjesë e mediave në Kosovë, me vetëdije apo nën ndikimin financiar të agjendave të caktuara politike kanë qenë vija e parë e frontit për stigmatizimin e luftës së përgjithshme çlirimtare, të drejtuar nga UÇK-ja.

Me vite të tëra, këto media shqiptare në Kosovë, kanë orkestruar fushata kundër vlerave të Ushtrisë Çlirimtare të Kosovës. Nga viti 2000 deri në vitin 2020, pra dy dekada rresht, janë shkruar, në mënyrë të kordinuar:

me mijëra artikuj, analiza, editoriale gazetareske;

janë zhvilluar me mijëra tryeza televizive;

janë prodhuar me qindra reportazhe, kronika dhe dokumentar televiziv për stigmatizimin e vlerave të Luftës së Përgjithshme Çlirimtare.

I gjithë ky opus, është drejtuar në mënyrë të organizuar, duke prezantuar fakte selektive, sipas rekomandimeve nga ata që i financonin këto mediume!

Këto media ushqyen për dy dekada një diskurs, ku lufta për liri paraqitej si një histori e errët dhe abuzive.

Këto mediume, siç do duhej ta respektonin misionin e tyre, në vend që të mbronin idealet e luftës çlirimtare, për të cilat u flijuan mijëra dëshmorë, ato u investuan dhe mbollën në opinion një narrativë që kriminalizonin, gjoja individë, e përmes tyre stigmatizonin tërë luftën e Ushtrisë Çlirimtare të Kosovës.

Ky rol i mediave shqiptare të Kosovës, ka qenë thellësisht i dëmshëm dhe në proceset të rëndësishme historike për dy dekada.

Me punën e tyre të investuar, ato kanë gërryer unitetin shoqëror dhe kanë krijuar terren parapolitik për armiqtë tanë, për të legjitimuar versionin e tyre të historisë, kundrejt luftës çlirimtare të kombit tonë!

F.A

P.S. kjo ishte për mediumet. Do flas dhe për stigmatizimin e UÇK-s, nga shtresa e intelektuale!