Filloi asfaltimi i rreth dy kilometrave rrugë në Bardh të Malishevës

30/05/2020 Institucionet

Në kuadër të realizimit të projekteve kapitale dhe ndërtimit e rregullimit të infrastrukturës rrugore në fshatrat dhe vendbanimet e Komunës së Malishevës, pas hapjes dhe përgatitjes së katër rrugëve në fshatin Bardh, ka filluar edhe asfaltimi i këtyre rrugëve, duke e përmbyllur kështu rregullimin e pjesës më të madhe të rrugëve në këtë fshat të thellë të Komunës së Malishevës. Në fillimin e asfaltimit të këtyre rrugëve, ishin të pranishëm edhe kryetari i Komunës së Malishevës, Ragip Begaj dhe nënkryetari Hajdin Berisha, të cilët janë pritur nga anëtari i asamblesë komunale nga ky fshat, Valon Krasniqi, kryetari i Bardhit, Selman Krasniqi dhe qytetarë të shumtë. Me këtë rast, kryetari Begaj, i ka uruar banorët e Bardhit, përkatësisht të lagjeve në të cilat filloi edhe asfaltimi i rrugëve, pasi ndërtimi i rrugëve ka qenë jetike për banorët dhe kjo ju lehtëson jetesën. “Ndërtimi i këtyre rrugëve ka rëndësi jetike për ju të gjithë, pasi për shkak të relievit dhe thellësisë së fshatit, jetesa ka qenë më e vështirë në këto kohë moderne. E di që rregullimi i rrugëve, jo vetëm qe lehtëson jetesën tuaj, por parandalon edhe shpërnguljen nga fshati, si rezultat i rrugës, dhe prej sot, të gjitha lagjet e fshatit lidhen me rrugët kryesore dhe ne gjithashtu ndihemi mirë, pasi kemi arritur që ta përmbushim këtë nevojë për banorët e Bardhit”, tha mes tjerash kryetari Begaj, pasi i uroi të gjithë banorët për rrugët e reja. Nga ana tjetër, edhe banorët e kanë falënderuar komunën për ndërtimin e këtyre rrugëve, pasi rregullimi i tyre ka rëndësi jetike për të vazhduar jetesën në këto lagje të thella. Ndërtimi i rrugëve, është mundësuar nga buxheti i Komunës së Malishevës, ndërsa këto katër rrugë kanë një gjatësi prej 1870 metrave.

Kontrolloni gjithashtu

Kryetari Aliu i bënë thirrje qytetarëve t’i përgjigjeni pozitivisht procesit të regjistrimit të popullisë

Kryetari i komunës së Ferizajt Agim Aliu lut qytetarët t’i përgjigjeni pozitivisht procesit të regjistrimit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara