Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Kryetari i Partisë Demokratike të Kosovës, Kadri Veseli, ka përkujtuar heronjtë Rasim Kiçina dhe Ragip Halilaj, në 21-vjetorin e rënies së tyre. Me këtë rast, Veseli ka thënë se rruga jetësore e Rasim Kiçinës dhe Ragip Halilajt ishte në shërbim të atdheut “Në 21-vjetorin e rënies heroike, kujtojmë me nderim të thellë heronjtë Rasim Kiçina dhe Ragip Halilaj, për kontributin e tyre të madh në betejat e Ushtrisë Çlirimtare të Kosovës. Rruga e tyre jetësore, ishte në shërbim të atdheut, për të qenë deri në momentet e fundit të jetës së tyre dalëzotës të përkushtuar e të paepur, në rrugën e nderit e lirisë. Lavdi heronjve Rasim Kiçina e Ragip Halilaj!”, ka shkruar Veseli.
