Brickos

Filloi hapja e një rrugë në Lubizhdë të Malishevës

01/03/2017 Institucionet

Ka filluar hapja e një rruge të re në fshatin Lubizhdë të Komunës së Malishevës, rrugë e cila do ti lidhë disa lagje dhe një pjesë të madhe të fshatit, me rrugën Malishevë-Kijevë, me shkollën e fshatit dhe me ambulancën. Punimet në këtë rrugë, i ka inspektuar drejtori i urbanizimit, Ahmet Morina, i cili edhe është takuar me disa nga banorët e fshatit, të cilët i ka uruar për rrugën e re.

Me këtë rast, drejtori Morina, përveç urimeve për banorët e fshatit, tha se “punimet janë duke u kryer mirë dhe rruga do të vazhdoj deri në përfundimin e saj”. Kjo rrugë e re, që po hapet, sipas Morinës, do të jetë në tërësi në shërbim të qytetarëve, por ne veçanti për nxënësit, të cilët, ose duhet të udhëtojnë më gjatë nga shtëpitë deri në shkollë, ose e bartin baltën dhe pluhurin brenda shkollës.

Rruga ka një gjatësi prej rreth 700 metrave dhe fillon nga shiriti i rrugës Malishevë-Kijevë, përkatësisht mes ambulancës së fshatit dhe shkollës dhe lidhet me lagjet brenda fshatit. Kjo rrugë financohet nga Komuna e Malishevës. Rruga është tërësisht e re, pra është duke u punuar në hapjen e saj, mbushjen dhe në fund do të asfaltohet.

Përndryshe kjo rrugë, përveç që do të jetë në shërbim të nxënësve, ka rëndësi të madhe për një pjesë të fshatit, të cilët në rastet e përmbytjeve të lumit Mirusha, këtë rrugë e shfrytëzojnë për të qarkulluar nga shtëpitë e tyre, deri në rrugët kryesore.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara