Filloi renovimi i aneksit të shkollës së Mirushës

29/07/2016 Institucionet

Në fshatin Mirushë të komunës së Malishevës, kanë filluar punimet në renovimin e objektit të shkollës së fshatit, përkatësisht aneksit të shkollës. Ky aneks ishte dëmtuar në fillim të këtij viti, si pasojë e erërave të fuqishme. Renovimi i këtij aneksi, do të bëhet i tërësishëm dhe me një shtator, planifikohet që të dy objektet e shkollës, të hyjnë në funksion dhe nxënësit të mësojnë në një ndërrim.

Punimet në këtë shkollë, sot i kanë parë nga afër edhe kryetari i Komunës së Malishevës, Ragip Begaj, drejtori i arsimit Avdi Morina dhe drejtori i urbanizimit Ahmet Morina.

Drejtori i urbanizimit, Ahmet Morina, tha se “përveç kulmit, i cili është dëmtuar nga erërat, ky aneks do të rregullohet në tërësi dhe do ti plotësoj nevojat e shkollës së fshatit, ndërsa projekti për renovim ka një shumë prej 24 mijë euro”.

Drejtori i arsimit Avdi Morina, bëri të ditur, se me rregullimin e këtij aneksit, synohet që nxënësit të mësojnë në një ndërrim, pasi krijohet hapësirë e mjaftueshme për të gjitha klasat.

Kontrolloni gjithashtu

Dy breza të bashkuar përmes librit

Në kuadër të projektit “Aktivizimi Social i të Moshuarve”, në SHFMU “Ibrahim Mazreku” u realizua …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara