leoni

Filloi zgjerimi i rrugës Malishevë-Banjë

09/09/2020 Institucionet

Kanë filluar punimet në zgjerimin e rrugës Malishevë-Banjë, e cila do të jetë me katër korsi, nga Malisheva deri te hyrja e fshatit Banjë, përkatësisht tek vendi ku lidhet rruga unazore për qytetin e Malishevës. Ky projekt bashkfinancohet nga Komuna e Malishevës dhe Ministria e Pushteti Lokal. Për këtë qëllim, sot në Malishevë ka qëndruar edhe zëvendësministrja e MPL, Fatbardha Emini, e cila është pritur nga kryetari i Komunës së Malishevës, Ragip Begaj. Begaj dhe Emini ka biseduar për bashkëpunimin në mes të komunës dhe ministrisë dhe e kanë vlerësuar lartë bashkëpunimin në mes të dy institucioneve. Ata kanë biseduar edhe për këtë projekt dhe projektet e tjera të cilat pritet të financohen në të ardhmen. Zëvendësministrja Emini, tha se do ta përkrahin Malishevën, pasi është edhe një prej komunave të cilën më së shumti e ka rënduar situata me pandeminë covid-19. Përndryshe, në fillimin e punimeve në zgjerimin e rrugës, Malishevë-Banjë, ishin të pranishëm, kryetari i Malishevës, Ragip Begaj, zëvendësministrja e MPL, Fatbardha Emini, drejtori i urbanizimit, Ahmet Morina, dhe zyrtarë tjerë të kabinetit qeverisës në Malishevë dhe zyrtarë të MPL-së. “Ky projekt i zgjerimit të rrugës, i cili për qëllim ka lëvizjen më të lehtë për hyrje-dalje nga qyteti, financohet nga Komuna e Malishevës dhe Ministria e Pushtetit Lokal dhe ka një gjatësi prej 840 metra”, ka deklaruar drejtori i urbanizmit, Ahmet Morina.

Kontrolloni gjithashtu

Komuna e Skenderajt do të organizoj akademi përkujtimore për heroin Abaz Thaçi dhe 10 dëshmorë tjerë

Nën organizimin e Shoqatës së sh-Brigadës 138 “Agim Ramadani”, të enjten me 16 maj, në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara