Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Që liria e Kosovës nuk erdhi vetë. As nga pritja e gjatë, e as nga diplomacia.
Le t’u tregojë dikush megjithëse e dinë mirë,
Që as NATO nuk erdhi vetë.
As nga lobimi, e as nga shterpësia e politikës dominuese t’asaj kohe.
Le t’u tregojë dikush, Donika Gërvallës e Albin Kurtit,
Që pa luftën heroike të Ushtrisë Çlirimtare të Kosovës, sot s’do të ishim të lirë.
Që pa djemtë e vajzat e UÇK-së që rrezikuan jetën për t’mos vdekur Kosova, nuk do t’binin bombat e NATO-s e as s’do të hynin trupat e KFOR-it.
Tregoni Donikës e Albinit, që ju edhe mund ta injoroni e luftoni UÇK-në. U munduan edhe tjerë para jush. Por ju do t’ përfundoni t’ harruar e t’ injoruar. Sepse lufta e UÇK-së ishte lëvizja më e sinqertë dhe progresive e historisë së vonë shqiptare. Sepse ishte luftë burimore frymën e së cilës dikush do ta ruajë përherë. Nga fryma e së cilës përherë do të frymëzohen njerëzit!
