Furnizohen me ujë të pijshëm tri fshatra në veri të Mitrovicës

05/04/2016 Institucionet

“Qeveria e Kosovës është e përkushtuar që sa më parë të zgjidh problemet e qytetarëve të Kosovës, sidomos ato që kanë të bëjnë me kushtet elementare për jetë siç është uji i pijes“, kështu ka deklaruar zëvendësministrja e Ministrisë së Zhvillimit Ekonomik, Besa Zogaj – Gashi, e cila ka vizituar  fshatrat Boletin, Kelmend dhe Zhash që ndodhen në veri të Mitrovicës.

Me këtë rast zëvendësministrja Zogaj – Gashi, e shoqëruar nga zëvendësministri i Administrimit të Pushtetit Lokal, Bajram Gecaj, kanë zhvilluar një takim me menaxhmentin e Kompanisë Regjionale të Ujërave në  Mitrovicë, ku u informuan për ecurinë e furnizimit me ujë për këto tri fshatra, të cilat më parë kanë pasur problem furnizimin më ujë të pijshëm.

Zogaj – Gashi tha se MZHE, është angazhuar që këto fshatra të kenë në afat sa më të shkurtë furnizim të sigurt me ujë të pijshëm, duke shtuar se edhe më tej do të mbështesë iniciativa, të cilat normalizojnë jetën e qytetarëve në tërë vendin.

Ndërkaq, zëvendësministri Bajram Gecaj, tha se nga Zyra e Kryeministrit, respektivisht Zyra për Komunitete për këtë projekt janë dhënë 25 mijë euro, ndërsa procedurat janë zhvilluar nga Ministria e Zhvillimit Ekonomik.

Ai ka shtuar se për funksionimin e pompave të ujit Qeveria ka siguruar tri çështje siç janë financimi, mirëmbajtja dhe sigurimi me energji elektrike, duke shtuar se tashmë Komuna e Zveçanit është zotuar se do të ketë furnizim të rregullt të energjisë për funksionimin e këtyre pompave që furnizojnë këto tri fshatra me ujë të pijshëm.

Ndryshe, të dy zëvendësministrat janë zotuar se së shpejti do të krijohet një grup punues në përbërje të ekspertëve të MZHE-së dhe  KRU “Mitrovica”, ku me këtë rast të gjitha pengesat e furnizimit më ujë do të adresohen ne Qeveri, derisa për mirëmbajtjen e pompave do të kujdeset KRU “Mitrovica”.

Kontrolloni gjithashtu

Kryetari Haliti ka vizituar fshatin piktoresk Lubishtë

Kryetari i komunës së Vitisë Sokol Haliti, ka vizituar fshatin piktoresk Lubishtë të Vitisë, aty …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara