Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë vitit 2024, përplasjet ndërmjet institucioneve të drejtësisë dhe qeverisë së Kosovës u intensifikuan, ndërsa reforma në këtë sektor mbeti një premtim i pa përmbushur. Raste të ndjeshme si sulmi terrorist në Banjskë, dosja e pazgjidhur e Astrit Deharit dhe vendimet kontradiktore të gjykatave për rastet në veri shërbyen si bazë për kritikat e vazhdueshme kundër sistemit të drejtësisë. Kryeministri Albin Kurti akuzoi Prokurorinë Speciale për vonesa në ngritjen e aktakuzës ndaj Millan Radojiçiqit dhe pjesëtarëve të grupit paramilitar të përfshirë në sulmin e Banjskës. Kurti, duke theksuar edhe intervistimin e ministrave të kabinetit të tij si një veprim jo prioritar. Gjykata Kushtetuese gjithashtu u përball me akuza për vonesa në shqyrtimin e ligjeve të dërguara nga opozita, ndërsa kryeministri e cilësoi këtë institucion, më shumë politik sesa juridik.
