Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sondazhet pas mbylljes së kutive të votimit, në Gjermani konsiderojnë AFD-në e djathtë fituese në zgjedhjet, në të tria landet. CDU-ja e kancelares Merkel pësoi rënie të ndjeshme, për shkak të qëndrimit të saj liberal ndaj refugjatëve. Kutitë e votimit në Baden-Vyrttemberg, në Rajnland-Pfalc dhe në Saksoni-Anhalt u mbyllën në orën 18.00. Më shumë se 12 milionë gjermanë patë mundësi të votonin për të zgjedhur parlamentet në tri lande. Në bazë të sondazheve paraprake pas mbylljes së kutive të votimit, partia e djathtë Alternativa për Gjermaninë, AfD fitoi 23 për qind të votave në landin lindor të Saksoni- Anhaltit. Me këtë ajo u bë partia e dytë pas CDU-së në pushtet. CDU-ja arriti të marrë 29 për qind. Partia Socialdemokrate, SPD, humbi rreth njëmbëdhjetë për qind, pas Partisë së Majtë, e cila mendohet se mori 17 për qind të votave. Në Landin perëndimor SPD duket se do të vazhdojë të qëndrojë edhe më te në pushtet. Në bazë të sondazheve pas mbylljes së kutive të votimit, SPD besohet se ka marrë 37,5 për qind. Të Gjelbrit me vështirësi kanë arritur të kalojnë pragun e pesë për qindshit për të hyrë në parlament. Ndërsa AfD arriti të fitojë rreth njëmbëdhjetë për qind të votave, bën të ditur Dojçe Vele.
