Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasada e Gjermanisë në Kosovë ka deklaruar se Berlini mbetet fuqimisht i përkushtuar ndaj anëtarësimit të Kosovës në Këshillin e Evropës, duke e cilësuar këtë qëllim si të arritshëm. Ambasada gjermane ka theksuar se Kosova duhet të veprojë tani, përfshirë përmbushjen e angazhimeve që ka marrë në kuadër të dialogut të ndërmjetësuar nga Bashkimi Evropian. Postimi është bërë paralelisht me konferencën përmbyllëse të projektit të përbashkët të Institutit të Drejtësisë së Kosovës dhe Lëvizjes FOL, ku ambasadori Jorn Rohde theksoi rëndësinë themelore të sundimit të ligjit në një demokraci funksionale – vlerë që qëndron në zemër të Këshillit të Evropës. Gjetjet nga projekti u vlerësuan si inkurajuese, duke treguar se të drejtat gjuhësore dhe seancat dëgjimore publike përgjithësisht respektohen, ndërsa shumica e palëve janë përfaqësuar në mënyrë profesionale. Sidoqoftë, mbeten sfida në zgjidhjen e vonuar të çështjeve gjyqësore dhe zbatimin e mangët të praktikës gjyqësore të Gjykatës Evropiane për të Drejtat e Njeriut. Ambasada shtoi se përveç monitorimit të sistemit të drejtësisë, projekti ka ndihmuar në fuqizimin e qytetarëve, duke i pajisur ata me njohuri mbi të drejtat dhe standardet që duhet të respektohen në gjykata.
