Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria federale e Gjermanisë ka vendosur të zgjasë mandatin e trupave të saj ushtarake që shërbejnë në kuadër të misionit të NATO-s në Kosovë, KFOR. Lajmi është bërë i ditur nga e përditshmja gjermane Die Zeit, ndërkohë që vendimi i ekzekutivit gjerman do të duhet të marrë edhe miratimin zyrtar në Bundestag. Zëdhënësi i qeverisë gjermane, Stefan Kornelius, deklaroi se ky vendim është dëshmi e përkushtimit të vazhdueshëm të Berlinit ndaj paqes dhe stabilitetit në rajonin e Ballkanit Perëndimor. “Situata e sigurisë në Kosovë mbetet ende e brishtë,” theksoi Kornelius, duke arsyetuar rëndësinë e vazhdimit të pranisë ushtarake gjermane në kuadër të misionit paqeruajtës të NATO-s. Gjermania është një nga kontribuueset kryesore në KFOR që nga themelimi i këtij misioni në vitin 1999, pas përfundimit të luftës në Kosovë. Prania e trupave gjermane ka luajtur një rol të rëndësishëm në ruajtjen e stabilitetit dhe në mbështetjen e institucioneve vendore të sigurisë.
