Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Milo Gjukanoviq, ka deklaruar se askush në Mal të Zi nuk ka dëshiruar ta dëmtojë Serbinë me pranimin e pavarësisë së Kosovës, por autoritetet në Serbi duhet ta kuptojnë se Kosova ishte betejë e humbur qysh moti. Askush në Mal të Zi, duke filluar prej vendimmarrësve, e deri te secili qytetar, nuk ka pasur qëllim të keq, që me njohjen e Kosovës ta dëmtojë Serbinë. Ishte perceptim i yni i asaj që është dashur të bëhet në rregullimin e gjendjes në rajon dhe krijimin e parakushteve për vendosjen e stabilitetit më të madh dhe ripërtëritjen e besimit”, tha Gjukanoviq për televizionin B92. Ai theksoi se disa herë i kishte thënë presidentit të atëhershëm të Serbisë, Boris Tadiq, dhe kryeministrit të tashëm, Aleksandar Vuçiq, se bindja e tij është se Serbia e tashme është në pozitë që ta pranojë faturën për betejën e humbur për çështjen e Kosovës, raporton agjencia Beta. Sugjerimi im për Tadiqin dhe Vuçiqin ishte se për shkak të betejes së hershme të humbur të mos i bllokojnë ato që janë gjasë reale zhvillimore të Serbisë së sotme dhe asaj të ardhshme, tha Gjukanoviq.
