Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i të ashtuquajturës Zyrë për Kosovën në qeverinë serbe, Marko Gjuriq, ka bërë të qartë se autoritetet e Kosovës nuk do të munden ta bindin Listën Serbe që të votojë pro ndryshimeve kushtetuese për formimin e ushtrisë së Kosovës. Sipas tij se me asnjë logjikë të shëndoshë serbët nuk do të binden për këtë gjë. Ky reagim ka pasur pas deklaratës së kryetarit Thaçi, se do ta nisë dhe do ta udhëheqë një proces të diskutimeve me përfaqësuesit politikë të serbëve të Kosovës për t’u koordinuar për krijimin e ushtrisë së Kosovës. madje këtë nismë të kryetarit të Kosovës Gjuriq e ka quajtur tentim për blerje nga “separatistët” kosovarë. Në lidhje me këtë ka reaguar edhe Qeveria e Kosovës. Sipas tyre, serbët në Kosovë gëzojnë të drejta të barabarta me qytetarët e tjerë. Kurse njohësit e çështjeve politike në vend thonë se serbët në Kosovë janë të diskriminuar pozitivisht. Sipas tyre, Marko Gjuriq po i frikësohet shumë përçarjes së Listës Serbe.
