Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Speciale në Hagë ka njoftuar se shpallja e aktgjykimit të Apelit në çështjen ndaj Pjetër Shalës do të bëhet më 14 korrik 2025, në ora 11:30 sipas orës së Evropës Qendrore. Fillimisht, seanca ishte planifikuar për 15 korrik, por është ndryshuar me vendim të Panelit të Gjykatës së Apelit të datës 4 qershor. Seanca do të jetë publike dhe do të mund të ndiqet drejtpërdrejt në faqen zyrtare të gjykates speciale me 10 minuta vonesë, në gjuhën shqipe, serbe dhe angleze. Po ashtu, publiku ka mundësi të ndjekë seancën nga galeria për vizitorë në objektin e gjykatës. Në korrik të vitit 2024, Shala u shpall fajtor nga Dhomat e Specializuara për krime lufte: ndalim arbitrar, torturë ndaj së paku 18 personave dhe vrasje e paligjshme ndaj një personi në Fabrikën e Metalit në Kukës gjatë periudhës 17 maj – 5 qershor 1999. Ai u dënua me 18 vjet burg. Aktualisht, Shala ndodhet në proces të apelimit të vendimit, me pretendimin për mbrojtje të ligjshmërisë.
