Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisionerja e Bashkimit Evropian për Zgjerim, Marta Kos, në një intervistë për Deutsche Welle, ka deklaruar se Serbia ndodhet në një situatë shumë të vështirë dhe se BE e mbështet fuqishëm rrugën e saj evropiane dhe popullin serb. Duke komentuar protestat në Serbi dhe procesin e stërzgjatur të integrimit, Kos ka theksuar se ndonëse Serbia është vend kandidat prej vitesh, ende nuk ka zbatuar të gjitha reformat e nevojshme për anëtarësim. “Pikërisht për këtë arsye ne po i ndihmojmë për të zbatuar këto reforma,” tha ajo. E pyetur për çështjen e Kosovës si një nga kushtet kyçe për integrimin, Kos theksoi se rruga drejt BE-së është një zgjedhje sovrane, por që kërkon përmbushjen e përgjegjësive të qarta. “Askush nuk po e detyron Serbinë. Por kur një vend thotë: ‘Po, ne duam të bëhemi anëtar i BE-së’ – atëherë duhet të veprojë në përputhje me këtë synim. Shumë gjëra duhet të realizohen,” tha Komisionerja evropiane.
