Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nga gjykata speciale, me seli në Hagë, Holandë, nuk pranuan të komentojnë deklaratën kritike të kryeministrit të Shqipërisë, Edi Rama, për procesin ndaj katër ish-krerëve të UÇK-së. Në përgjigjen e tyre për MCN TV, Specialja u shpreh se “janë plotësisht të përqendruara në zbatimin e mandatit të tyre për të siguruar gjyqe të drejta, të paanshme dhe të sigurta” dhe nuk komentojnë deklarata të figurave politike. Pak ditë më parë, në takimin e Bordit të Paqes më 19 shkurt, Rama kritikoi hapur Gjykatën e Hagës, duke e akuzuar për dështim në respektimin e standardeve të drejtësisë demokratike. Ai u ndal veçanërisht te arrestimi i ish-presidentit të Kosovës, Hashim Thaçi, duke e lidhur këtë me veprimet e prokurorit Jack Smith dhe duke kërkuar ndërhyrje nga presidenti amerikan për të parandaluar “gjëra shumë të këqija” që mund të ndodhin sërish. Ky qëndrim i Speciales dhe heshtja për kritikat e hapura politike ngrenë pyetje mbi transparencën dhe llogaridhënien e këtij institucioni ndërkombëtar, i cili po gjykon ish-udhëheqës të UÇK-së.
