Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Gjykatën Speciale vazhdon procesi kundër katër të akuzuarve të ish-UÇK-së, ku çështja e dëshmitarit anonim ka shkaktuar tension të konsiderueshëm. Sipas dokumenteve të Prokurorisë, dëshmitari ishte regjistruar fillimisht në tetor 2021 dhe më pas, në korrik 2023, u pranua gjithashtu si viktimë në rastin kryesor. Në shtator 2024, Hashim Thaçi, Kadri Veseli, Jakup Krasniqi dhe Rexhep Selimi kërkuan nga Trupi Gjykues që dëshmitari të detyrohej të dëshmonte, pavarësisht tërheqjes së tij vullnetare. Sipas raportimeve, ish-presidenti Thaçi kërkoi pranimin e pjesës së rrëfimit të dëshmitarit, duke argumentuar rëndësinë e tij për të kundërshtuar pretendimet e Prokurorisë. Gjykata Speciale, megjithatë, ka refuzuar kërkesën, duke mos lejuar përdorimin e deklaratës së plotë, pavarësisht presioneve të ish-presidentit. Dëshmitari, banor i një shteti të tretë pa kompetencë për ta dërguar në Hagë me forcë, vendosi Thaçin para një dileme: të pranonte rrëfimin me risk për interesat e bashkakuzuarve, ose të refuzohej kërkesa.
