Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata Themelore në Prishtinë ka vendosur nga 30 ditë paraburgim për shtatëmbëdhjetë protestuesit e opozitës. Këtë masë ndëshkimore e kishte kërkuar Prokuroria Themelore në Prishtinë. Këta protestues u arrestuan nga Policia e Kosovës, në protestën e 18 nëntorit. Protesta kishte nisur pas arrestimit të shefes së deputetëve të AAK-së, Donika Kadaj Bujupi, e cila ka hedhur disa herë gaz lotsjellës në Kuvendin e Kosovës për të kundërshtuar marrëveshjet e Kosovës me Serbinë për Asociacionin e Komunave me shumicë serbe, dhe atë me Malein e Zi për caktimin e demarkacionit. Policia është në kërkim të tre deputetëve të tjerë, nga radhët e Vetëvendosjes. Për Albin Kurtin, Albulena Haxhiun e Faton Topallin është lëshuar urdhërarrest për të njëjtën vepër si të Kadaj Bujupit.
