Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri në detyrë i Punëve të Jashtme dhe Diasporës, Glauk Konjufca, ka reaguar pas deklaratave të ministres serbe, lidhur me spastrimin etnik të shqiptarëve. Ai ka shkruar se Kosova mbetet e përkushtuar ndaj demokracisë, një shoqërie shumëetnike dhe ka kërkuar nga Bashkimi Evropian që të marr masa të rrepta ndaj deklaratave të tilla, sikur ishte ajo e ministres në Qeverinë e Serbisë, Snezhana Paunoviq. Ai ka shkruar më tutje se heshtja ndaj një deklarate të tillë nuk është opsion, njëjtë sikurse nuk janë opsion përgjigjet e dobëta. “Një ministre e qeverisë serbe ka bërë thirrje publikisht për spastrimin etnik të shqiptarëve nga Kosova. Një retorikë e tillë i lavdëron krimet e luftës, kërcënon stabilitetin rajonal dhe është krejtësisht e papajtueshme me vlerat evropiane, si dhe me të ardhmen evropiane. Kosova mbetet e përkushtuar ndaj demokracisë, një shoqërie shumëetnike, pajtimit të bazuar në të vërtetën dhe drejtësinë, dhe të ardhmes evropiane. Edhe Serbia duhet ta zgjedhë këtë rrugë” ka shkruar, Glauk Konjufca.
