Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata sepciale në Hagë ka refuzuar kërkesën e mbrojtjes së Hashim Thaçit për ta shtuar Bislim Zyrapin në listën e dëshmitarëve, duke vlerësuar se një hap i tillë do të anashkalonte skemën procedurale dhe do t’u mohonte palëve tjera mundësinë e pyetjeve shtesë. Megjithatë, trupi gjykues ka pranuar pesë deklaratat e mëhershme të Zyrapit, të cilat do të përdoren vetëm për krahasimin e qëndrueshmërisë së dëshmisë së tij, pa vlefshmëri për provimin e përmbajtjes. Mbrojtja insistoi se Zyrapi është dëshmitar thelbësor dhe se deklaratat e tij përmbajnë prova lehtësuese që nuk mund të injorohen. Ajo argumentoi se Rregulla 153 është rruga e duhur procedurale, pasi materiali nuk bie në kategorinë e deklaratave formale të marra nga Prokuroria sipas Rregullës 155. Në anën tjetër, Prokuroria kundërshtoi vlefshmërinë e deklaratave, duke thënë se mbrojtja ka pasur mundësi ta pyesë dëshmitarin gjatë dëshmisë së tij në vitin 2024. Gjykata vlerësoi se mbrojtja nuk dha arsye të mjaftueshme për vonesën në paraqitjen e kërkesës dhe se shtimi i Zyrapit në listën e dëshmitarëve do të cenonte strukturën procedurale. Megjithatë, me pëlqimin e të dyja palëve, pesë deklaratat u pranuan sipas Rregullës 138, vetëm për të testuar besueshmërinë e dëshmisë. Vendimi shënon një kufizim për mbrojtjen, duke i lejuar asaj përdorimin e materialit të Zyrapit, por jo rikthimin e tij në bankën e dëshmitarëve
