Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, e ka arsyetuar vendimin e përbashkët e tri grupeve parlamentare të partive të opozitës, për mos pjesëmarrje në seancat e Kuvendit. Ai në një intervistë për ‘Epokën e re’, ka thënë se opozita nuk i ka dorëzuar mandatet, por nuk do të marrë pjesë në seancat plenare të një Kuvendi, i cili është jolegjitim. Kuvendi i Kosovës tashmë është bërë mbulesë për uzurpimin e shtetit. “I vetmi që mund të vendosë tash tutje është qytetari”, është shprehur Haradinaj, duke bërë me dije se opozita mbetet e bashkuar në pikat për të cilat është rënë dakord më herët. Në këtë kontekst, ai ka thënë se opozita do ta rrisë kundërshtimin e saj me anë të protestave deri në dorëheqjen e regjimit Mustafa-Thaçi.
