Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas krijimit të situatës së re brenda frontit opozitar, Aleanca për Ardhmërinë e Kosovës sot ka mbajtur një mbledhje të jashtëzakonshme të Këshillit të Përgjithshëm, ku ishin të ftuar edhe kryetarët e degëve të këtij subjekti. Me të përfunduar kjo mbledhje, kreu i AAK-së, Ramush Haradinaj ka folur në një konferencë për medie, ku ka shprehur vendosmërinë për të kundërshtuar Qeverinë. “Jemi të vendosur për kundërshtimin e kësaj Qeverie. Do të vazhdojmë bashkë, por kemi dallime. Ne kemi qëndrimet e tona”, ka thënë Haradinaj. Në lidhje me protestën e paralajmëruar, ai ka bërë me dije se vendimi do të merret gjatë javës së ardhshme. Haradinaj, ka folur edhe për largimin e shefes së grupit parlamentar të AAK-së, Donika Kadaj-Bujupi, duke thënë se për këtë është njoftuar vetëm përmes medieve. “Nuk e di, vetëm e kemi pa njoftimin në TV”, ishte përgjigja e shkurtër e Haradinajt.
