Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhur me zhvillimet në Veriun e Kosovës, ku protestuesit serbë në tri komunat veriore, Zubin Potok, Leposaviq dhe Zveçan, kanë penguar hyrjen e kryetarëve të zgjedhur, në ndërtesat komunale ka reaguar edhe Ambasada amerikane, në Prishtinë. Ambasadori Jeff Hovenier, nuk ka folur për veprimet e dhunshme të serbëve, por ai ka dënuar aksionin e Policisë së Kosovës duke thënë se ndërhyrja ishte një masë e dhunshme. Jeff Hovenier, u shpreh me këtë rast se dënon veprimet e vazhdueshme të autoriteteve të Kosovës për të hyrë në ndërtesat komunale në veri. Shtetet e Bashkuara dënojnë veprimet e vazhdueshme të autoriteteve kosovare për të hyrë në ndërtesat komunale. Masat e sotme të dhunshme duhet të ndërpriten menjëherë, ka shkruar Hovenier në një postim të tij.
