Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendëskryeministri i Kosovës, Enver Hoxhaj ka thënë se katër muaj pas vrasjes së politikanit serb Oliver Ivanoviq në veri të vendit, Serbia vazhdon të refuzojë bashkëpunimin me Kosovën. Sipas tij kjo po ndodhë sepse Serbia dëshiron ta fshehë të vërtetën dhe ta pengojë drejtësinë. “Vrasja e Ivanoviqit ka rrënjët në politikën destruktive të Serbisë dhe përgjigjet për të fshihen në Beograd”, ka shkruar Hoxhaj në një postim të tij.
Ndërsa, ministri i Brendshëm i Serbisë, Nebojsha Stefanoviq gjatë ditës së djeshme ka deklaruar se vendi i tij është i interesuar në zbardhjen e vrasjes së Ivanoviqit, mirëpo sipas tij nuk ka interesim nga pala e Kosovës. Ai i bëri thirrje EULEX-it që të përfshihet në zgjidhjen e këtij rasti.
