Humanisti Halil Kastrati është shpallur “Qytetar Nderi” i Komunës së Malishevës.

13/06/2025 Institucionet

Humanisti Halil Kastrati nga sot është “Qytetar Nderi” i Komunës së Malishevës. Lajmin e ka bërë të ditur kryetari i komunës së Malishevës, z. Ekrem Kastrati.

“Të dashur qytetarë të komunës së Malishevës, po ndaj me ju lajmin e mirë, që në seancën e sotme të Asamblesë Komunale, me propozimin tim dhe me përkrahje të plotë nga të gjitha grupet politike në Asamble, është marrë vendim që ta shpallim “Qytetar Nderi” i Komunës së Malishevës, të nderuarin, z. Halil Kastrati, që kontributin e tij të madh e të njohur e ka bërë dhe vazhdon ta bëjë, si humanist dhe filantrop nga Kosova, i njohur veçanërisht për punën e tij bamirëse që synon ndihmën për familjet e varfëra dhe të pafavorizuara, thuhet në postimin e kryetarit Kastrati.

Gjithashtu, me propozim të Këshillit Organizativ për shënimin e 16 Qershori – Ditës së Çlirimit dhe të Dëshmorëve të Komunës së Malishevës, sot, me unanimitet anëtarët e Asamblesë Komunale kanë votuar edhe për çmimet që tashmë Komuna jonë tradicionalisht i ndan për 16 Qershor, në fushat e mëposhtme;

Për trimëri dhe heroizëm, çmimi “Imer Krasniqi” u është ndarë:

Naser Shala (pas vdekjes)

Tahir Ulluri

Feim Thaçi (pas vdekjes)

Hajdin Berisha (pas vdekjes)

Hajrullah Mazreku (pas vdekjes)

Për kontribut në fushën e mjekësisë; çmimi “Dr. Shpëtim Robaj”

Dr. Haki Balaj (pas vdekjes)

Fatime Gashi-Mazreku

Shehide Hoti-Gashi

Për kontributin e dhënë në shkollën shqipe; çmimi “Hamdi Berisha”

Sylejman Telaku

Haxhi Kastrati

Ceremonia solemne të dhënies së çmimeve tradicionale do të bëhet në Manifestimin Qendror të Komunës së Malishevës, të hënën, më 16 qershor 2025, në ora 11 në shtëpinë e kulturës “Tahir Sinani”, ndërsa cmimin “Qytetar Nderi” për humanistin Halil Kastrati do të bëhet në një datë tjetër.

Kontrolloni gjithashtu

Komuna e Vitisë publikoj agjendët e aktiviteteve me rastin e shënimit të 14 qershorit – Dita e Çlirimit

Agjenda zyrtare e organizuar nga Komuna e Vitisë – Drejtoria për Kulturë, Rini dhe Sport …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara