Humanisti Kryeziu, investoi në rregullimin e ujit për QMF-në në Pagarushë

Tema të tjera...

Në 25-vjetorin e rënies heroike, në Zatriq, u përkujtuan dëshmorët e kombit Visar Hotin e Safet Latifin

18/04/2024

Kryetari Kastrati ka pritur në takim ambasadorin Szunyog

18/04/2024

Përfundoi mbledhja e KPF-së në komunën e Rahovecit, e katërta për këtë vit

18/04/2024

Në Viti shënohet Dita Evropiane e të Drejtave të Pacientëve

18/04/2024

Komuna e Skenderajt ka filluar aksionin për furnizim me kontejnerë për operatorët ekonomik

18/04/2024

Smajl Latifi: Sot, në 25-vjetorin e rënies heroike, në Zatriq, përkujtuam dëshmorët e kombit Visar Hotin e Safet Latifin

18/04/2024

Humanisti Skënder Kryeziu nga Pagarusha e Malishevës, në kuadër të aktiviteteve të tij humanitare,  është duke e rregulluar sistemin e ujit për Qendrën e Mjekësisë Familjare (QMF) në Pagarushë. Për këtë qëllim, sot këtë QMF e ka vizituar edhe drejtori i shëndetësisë, Hajdin Berisha, i cili e ka falënderuar donatorin për këtë vepër të tij, krahas shumë veprave tjera.

Uji në QMF të Pagarushës, ka pasur probleme në funksionim, prandaj, ky humanist, ka vendosur që të investoj në sigurimin e ujit, duke siguruar burimin, shtrirjen e gypit dhe futjen e ujit brenda objektit të kësaj qendre të mjekësisë.

“Në emër të drejtorisë për shëndetësi dhe mirëqenie sociale, e falënderoj donatorin, përkatësisht humanistin Skënder Kryeziu për këtë ndihmë në QMF në Pagarushë, si dhe për ndihmat tjera që i ka bërë dhe po i bën në vazhdimësi”, tha drejtori Berisha.

Skënder Kryeziu, apo siç e njohin në opinion si Skënder Pagarusha, është prej humanistëve, që në vitet e fundit, në vazhdimësi po i ndihmon familjet me gjendje të rëndë sociale, anekënd Kosovës, si në ndërtim të shtëpive, ashtu edhe në sigurimin e nevojave elementare për jetë. Përveç këtyre familjeve, ky humanist, në vazhdimësi ka ndihmuar edhe spitalet dhe entet tjera shëndetësore, kurse sigurimi i ujit për QMF-në në Pagarushë, është njëra prej veprave të tij humanitare.