Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e LDK-së, Hykmete Bajrami, ka thënë se buxheti për vitin 2023 nuk e parasheh zbatimin e Ligjit të pagave, as rritjen e pensioneve. Në kohën kur Kosova po përballet me inflacion, Qeveria e Kosovës ka propozuar buxhetin, sikur thotë ajo më të madh në histori dhe në të nuk përfshinë rritje të pensioneve. Nuk ka paraparë as kosto për zbatimin e Ligjit të pagave, nuk ka paraparë as indeksim të pensioneve dhe pagave për normën e inflacionit, i cili është 12.7 për qind dhe për shportën bazë të blerësit kalon rritja mbi 50 për qind. Partia në pushtet dhe komplet Qeveria janë kurthuar në temën e targave. Kanë shndërruar dialogun me Serbinë në temë qendrore. Konfrontimin me Amerikën dhe me Brukselin e kanë bërë politikë ditore. Qeveria nuk ka asnjë zgjidhje për ekonomi, për arsim, as për shëndetësi, ka saktësuar deputetja e LDK-së, Hykmete Bajrami.
