Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidatja për deputete nga Lidhja Demokratike e Kosovës, Hykmete Bajrami, ka publikuar të dhëna që tregojnë rritje të ndjeshme të humbjeve të energjisë në komunat veriore gjatë periudhës 2021–2023. Sipas statistikave të prezantuara nga Bajrami, kostoja e humbjeve të energjisë ka arritur 131 milionë euro, duke u rritur deri në 15 herë krahasuar me vitin 2020. Sipas raportit, humbjet në energji ishin 4 milionë euro në vitin 2020, rritën në 41 milionë euro në 2021, arritën në 63 milionë euro në 2022 dhe ishin 27 milionë euro në 2023. Bajrami theksoi se këto shifra reflektojnë pagesa të mëdha nga qytetarët e Kosovës për energjinë e shpenzuar në veri dhe i bëri të gjitha të dhënat të verifikueshme përmes raporteve dhe pasqyrave financiare të KOSTT-it. Ajo kritikoi ish-qeverinë Kurti për menaxhim të dobët të sektorit të energjisë dhe për pasurimin e aktiviteteve të paligjshme në këtë periudhë, duke theksuar se kriptovalutat dhe laboratorët e drogës kanë lulëzuar nën qeverisjen e tyre. Bajrami u shpreh se LDK nuk paraqet të dhëna vetëm me grafe, por me fakte konkrete, duke nënvizuar rëndësinë e transparencës dhe përgjegjësisë për shpenzimet që paguhen nga qytetarët e Kosovës.
