Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetarja e LDK-së, Hykmete Bajrami, ka ashpërsuar kritikat ndaj Qeverisë Kurti dhe Vetëvendosjes, duke i akuzuar për keqmenaxhim dhe abuzime të mëdha në sektorin e energjisë elektrike. Sipas saj, mënyra se si po administrohet tregu i energjisë përbën “vjedhjen më të madhe ndaj qytetarëve të Kosovës”, duke theksuar se barra financiare po u ngarkohet konsumatorëve përmes çmimeve të larta dhe tarifave që, siç u shpreh ajo, janë të pajustifikueshme. Bajrami kujtoi se nga viti 2021 deri më sot janë shpenzuar rreth 811 milionë euro për import të rrymës, ndërsa faturat e qytetarëve vazhdojnë të rriten. Ajo solli si shembull muajin dhjetor 2024, ku qytetarët – sipas saj – kanë paguar deri në 800 euro vetëm për transportin e një megavati, çka e cilësoi si abuzim të hapur me rregullat e tregtimit të energjisë. Ajo akuzoi institucionet përgjegjëse se kanë qëndruar pasive dhe pa asnjë reagim, duke lejuar krijimin e hapësirave për keqpërdorime që, siç tha, i kanë goditur drejtpërdrejt qytetarët.
