Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Procesi gjyqësor ndaj ish-krerëve të UÇK-së në Gjykatën Speciale po shkon drejt përfundimit. Të hënën, më 19 janar, janë dorëzuar dosjet përfundimtare, ndërsa fjala përfundimtare pritet të mbahet nga 9 deri më 18 shkurt. Pas kësaj, gjyqtarët kanë afat tre muaj për të shpallur vendimin e shkallës së parë, me mundësi shtyrjeje deri në dy muaj të tjerë. Kryetari i OVL UÇK-së, Hysni Gucati, deklaroi se beson se gjyqi do të ketë një përfundim të favorshëm për të akuzuarit. “Këtij gjyqi maratonik i erdhi fundi, dhe unë besoj që fundi do të jetë shumë i mirë, sepse Gjykata Speciale ka punuar me prova të fabrikuara nga Serbia dhe disa shqipfolës që mendojnë se mund të dëmtojnë UÇK-në dhe Kosovën,” tha Gucati. Ai shtoi se është i bindur që “presidenti dhe të tjerët do të dalin fitimtarë”, duke shprehur besimin e tij në drejtësi dhe pasojat e procesit për figurat kryesore të ish-UÇK-së.
