Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më 7 mars shënohet një nga datat më të rëndësishme në historinë e arsimit dhe kulturës shqiptare hapja e shkollës së parë shqipe më 7 mars 1887 në Korçë. Kjo shkollë u drejtua nga rilindësi dhe arsimuesi i njohur Pandeli Sotiri, i cili luajti një rol të rëndësishëm në përhapjen e arsimit në gjuhën shqipe. Ai kishte marrë mësimet e para në Qestorat nga mësuesi patriot Koto Hoxhi dhe në këtë mision u mbështet edhe nga rilindësi Petro Nini Luarasi. Hapja e kësaj shkolle ishte një hap i rëndësishëm për ruajtjen dhe zhvillimin e gjuhës shqipe, në një kohë kur në trojet shqiptare dominonin shkollat e huaja, veçanërisht ato greke dhe fetare. Sot, 7 Marsi përkujtohet si Dita e Mësuesit dhe simbol i përkushtimit të brezave të arsimtarëve për arsimin dhe identitetin kombëtar shqiptar.
