Investitorët e jashtëm shprehin interesim për të investuar në Mitrovicë

06/09/2016 Institucionet

Përfaqësues  të Kompanisë “ Italian Technical Consultants Ltd” nga Italia  dhe “ LS International Group Ltd”, janë pritur nga kryetari i komunës së Mitrovicës, Agim Bahtiri, dhe nënkryetari i Komunës së Skenderajt, Fadil Nura, me ç’rast kanë biseduar për mundësitë e bashkëpunimit dhe investimet në projekte të ndryshme  me theks të veçantë për krijimin e energjisë përmes riciklimit të mbeturinave.

Kryetari Bahtiri i njoftoi përfaqësuesit e kompanisë me kushtet që ofron komuna e Mitrovicës për investitorë  dhe me mundësitë për investime në sektorë të ndryshëm, duke përmend lehtësira të shumta  për vendosjen e kompanive të huaja të cilat shprehin interesim për të investuar në Mitrovicë.

Përfaqësuesi i Kompanisë i “ Itcltd”, Marco Signorini,  tha se investimi do jetë një shtytje e zhvillimit ekonomik, pasi sipas tij, në fabrikë do të instalohet teknologjia më moderne, që nuk shkakton asnjë rrezik apo ndotje, as për punëtorët që punojnë aty e as për mjedisin dhe rrethinën.

Ky projekt parasheh riciklimin e mbeturinave me kapacitet deri në 300 tonë në ditë, duke përpunuar të gjitha llojet e mbeturinave, me përjashtim ato të cilat kanë radioaktivitet, duke mos liruar gazra dhe ruajtur mjedisin. Fushëveprimi i saj ka të bëjë edhe me teknologjinë e njohur led, sektorin e energjisë diellorë dhe produktet e tjera që kanë të bëjë më bujqësinë.

Kryetari Bahtiri, tha se synim i tij dhe i ekzekutivit është krijimi i kushteve dhe tërheqja e investimeve për zhvillimin ekonomik. “Nga investimi që u prezantua, përfitimet do jenë evidente, duke nisur nga zgjidhja e çështjes së mbeturinave përmes riciklimit, prodhimit të energjisë elektrike dhe hapja e  vendeve të reja të punës”, nënvizoj Bahtiri.

Nënkryetari i Komunës së Skenderajt, Fadil Nura, tha se edhe me herët kemi pasur diskutimi të tilla me kompani të cilat ndonëse kanë qenë serioze por që nuk kemi arritur të kemi edhe rezultate finale. “Ne mbështesim realizimin e këtij projekti, i cili ka dobi të madhe jo vetëm për qytetin e Mitrovicës, por ofron zgjidhje edhe për qytetet tjera të rajonit të Mitrovicë, sepse ne operojmë me  kompaninë e rajonale për menaxhimin e  mbeturinave “Uniteti” tha,  Nura.

Mysafirët shprehën interesimin e tyre për këto projekte dhe u dakorduan me kryetarin Bahtiri, që pasi që ato të jenë të gatshme, të takohen sërish për të biseduar për mundësinë e realizimit konkret të tyre.

Kontrolloni gjithashtu

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në komunën e Malishevës mbajti mbledhjen e tretë të rregullt

Komiteti për Familjet e Dëshmorëve, Invalidëve dhe Veteranëve të UÇK-së  dhe Martirëve të luftës në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara