Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Izraeli ka përdorur fosfor të bardhë në operacionet e tij të vazhdueshme ushtarake në Gaza dhe Liban, duke i vënë civilët në rrezik serioz, ka thënë Hjumen Raits Voç, pas një analize të videos së konfliktit. Kjo organizatë tha se verifikoi pamjet e marra në Liban dhe Gaza të martën dhe të mërkurën, respektivisht, duke treguar përdorime të shumta të fosforit të bardhë të gjuajtur nga artileria mbi portin e qytetit të Gazës dhe dy vendndodhje rurale përgjatë kufirit Izrael-Liban. Grupi i të drejtave tha gjithashtu se intervistoi dy persona që kanë përshkruar një sulm në Gaza. Përdorimi i fosforit të bardhë në zonat me popullsi të dendur shkel detyrimin e Izraelit sipas ligjit ndërkombëtar për të marrë të gjitha masat e mundshme për të shmangur dëmtimin e civilëve. “Sa herë që fosfori i bardhë përdoret në zona të mbushura me njerëz civilë, paraqet një rrezik të lartë të djegieve dhe rreziqe gjatë gjithë jetës”, ka thënë drejtoresha e kësaj organizate për Lindjen e Mesme dhe Afrikën Veriore. Fosfori i bardhë është i paligjshëm dhe shkakton dëme skandaloze për civilët.
