Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i PDK-së, Jakup Nura, ka kritikuar ashpër kryeministrin në detyrë, Albin Kurti, duke e akuzuar për paaftësi dhe mungesë guximi në krijimin e shumicës parlamentare për formimin e Qeverisë së re. Sipas Nurës, LVV-ja nuk ka treguar përgjegjësi ndaj votës së qytetarëve dhe duhet të shkojë në opozitë për të reflektuar mbi gabimet e qeverisjes pesëvjeçare. “Është paaftësi i tij; ka fituar një përqindje të lartë, por nuk ka treguar gatishmëri dhe besim për obligimet ndaj popullit. Shumë e shëndetshme do të ishte që LVV të shkojë në opozitë dhe të reflektojë gabimet e bëra gjatë kësaj kohe qeverisëse,” tha Nura. Ai konfirmoi se PDK-ja do të marrë pjesë në takimin konsultativ të presidentes, por theksoi se mungon një shumicë për formimin e Qeverisë dhe se zgjedhjet e reja duket se janë e vetmja rrugëdalje.
