Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Paraqitja e ish-ndihmës sekretarit amerikan të Shtetit, James Rubin, në Dhomat e Specializuara në Hagë, ka marrë vëmendje të madhe ndërkombëtare. Për këtë ka folur edhe ish-gjyqtari amerikan i EULEX-it, Dean Pineles, i cili e ka cilësuar dëshminë e Rubin si shumë të rëndësishme për procesin kundër Hashim Thaçit dhe ish-krerëve të UÇK-së. Sipas Pineles, Rubin e njeh mirë periudhën e luftës në Kosovë, ka qenë i pranishëm në Rambuje dhe ka bashkëpunuar ngushtë me Thaçin gjatë procesit të demilitarizimit të UÇK-së. Ai ka konkluduar se Thaçi ishte “fytyra politike e UÇK-së”, por jo komandanti me autoritet vendimmarrës në terren. Kjo, sipas Pineles, mund të sfidojë drejtpërdrejt teorinë e prokurorisë, e cila pretendon se Thaçi dhe të tjerët udhëhiqnin një hierarki të rreptë ushtarake dhe ishin përgjegjës për krimet e luftës si pjesë e një “ndërmarrjeje kriminale të përbashkët”. Pineles ka theksuar gjithashtu periudhën e gjatë të paraburgimit të ish-presidentit Thaçi dhe bashkë akuzuarve të tij, që shkon pothuajse në pesë vjet, duke e quajtur atë një kohë të tej zgjatur për një proces gjyqësor. Ai ka rikujtuar edhe vendimin e Thaçit për t’u dorëzuar vullnetarisht, duke dhënë dorëheqje nga posti i presidentit, gjë që sipas tij tregon gatishmëri për të përballuar drejtësinë.
