Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lideri i Bashkimit Demokratik për Integrim, Ali Ahmeti i ka dhënë mbështetje të plotë marshimit “Drejtësi, jo politikë”. Gjatë takimit të zhvilluar me Përfaqësuesit e platformës qytetare “Liria ka Emër”, Eliza Hoxha dhe Ismail Tasholli, ai theksoi se lufta e popullit shqiptar ishte e drejtë, e domosdoshme dhe e pastër. “Lufta çlirimtare e popullit tonë ishte e drejtë, e domosdoshme dhe historikisht e pastër. Ata që udhëhoqën dhe mbrojtën këtë luftë nuk mund të mbahen peng i padrejtësive politike. Vendi i tyre është në shtëpi, pranë familjeve dhe popullit të vet, dhe ata duhet të kthehen sa më parë”, theksoi Lideri i Bashkimit Demokratik për Integrim, Ali Ahmeti. Ndërkohë, përfaqësuesja e platformës, Eliza Hoxha, tha se mobilizimi po rritet çdo ditë dhe se marshi i 17 shkurtit do të jetë shprehje e një zëri të fuqishëm qytetar.
