Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ekspertja e energjisë dhe kandidate për deputete nga radhët e Lidhjes Demokratike të Kosovës, Janina Ymeri, ka kritikuar ashpër qeverinë aktuale për politikat e saj në sektorin e energjisë, duke e cilësuar atë si qeveri të “VukVendosjes”. Ymeri tha se premtimet për investime strategjike në energji nuk janë realizuar, ndërsa qytetarët po përballen me kosto gjithnjë e më të larta të energjisë elektrike. Sipas saj, i vetmi “investim” i bërë nga pushteti aktual ka qenë importi i energjisë. “U fol për investime, u përmendën marrëveshje e bashkëpunime ndërkombëtare, por realiteti është krejt tjetër. I vetmi investim që ka bërë kjo qeveri ka qenë importi. Vetëm dje, bartja e energjisë nga Maqedonia e Veriut ka kushtuar mbi 1 milion euro,” u shpreh Ymeri. Ajo kritikoi edhe ndarjen e 100 eurove për studentët dhe kategoritë e tjera në prag të zgjedhjeve, duke e cilësuar këtë veprim si tentativë për manipulim elektoral dhe jo si politikë të qëndrueshme sociale.
