Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryediplomati gjerman, Johann Wadephul, ka vlerësuar se Shqipëria mbetet vendi me mbështetjen më të fuqishme qytetare dhe institucionale për integrimin evropian në gjithë rajonin e Ballkanit Perëndimor. Në një deklaratë të bërë gjatë vizitës së tij zyrtare në Tiranë, Wadephul theksoi se orientimi i Shqipërisë drejt Bashkimit Evropian është i qartë dhe i palëkundur, pavarësisht sfidave që shoqërojnë procesin. Ai shtoi se Gjermania mbetet një mbështetëse kyçe e Tiranës në rrugën drejt anëtarësimit. “Shqipëria është e vendosur fort ta ndjekë rrugën, jo gjithmonë të lehtë, drejt Bashkimit Evropian. Në asnjë vend tjetër të rajonit mbështetja për BE-në dhe orientimi evropian nuk është aq i fuqishëm sa këtu. Ne qëndrojmë fort në krahun tuaj dhe do t’ju mbështesim në këtë rrugë”, u shpreh Wadephul. Vizita e tij në Shqipëri është pjesë e turit diplomatik në Ballkanin Perëndimor, i cili do të vazhdojë të martën në Kosovë, ku priten takime të nivelit të lartë me udhëheqës shtetërorë.
