Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi i lartë i BE-së për politikën e jashtme dhe të sigurisë, Josep Borrell, ka paralajmëruar se fqinjësia e Evropës është në zjarr, përtej një lufte në Ukrainë, valët goditëse të së cilës janë ndjerë në të gjithë botën sa i përket çmimeve të larta të energjisë dhe ushqimeve. Kriza në Moldavi dhe Serbi, Kosovë, Siri, Libi. Borrelli ka mbështetur fjalët e sekretarit të përgjithshëm të Kombeve të Bashkuara, Antonio Guterres, kur ai ka paralajmëruar për sfidat e mëdha me të cilat përballet bota përtej Ukrainës dhe nevojën për t’i trajtuar të gjitha në mënyrë të barabartë. Shefi i diplomacisë evropiane ka thënë se në kohën e pushtimit rus të Ukrainës, ai e kuptoi menjëherë se historia kishte ndryshuar, se një faqe e re e saj po hapej dhe se ky vendim i presidentit rus Vladimir Putin do të sillte pasoja për të gjithë, veçanërisht ukrainasit. Në këtë kuptim, ai ka mirëpritur reagimin e shpejtë të BE-së, e cila deri më tani ka ndarë ndihmë ushtarake, ekonomike dhe humanitare për Ukrainën. Fatura është e lartë, por shumë më tepër për ukrainasit që po humbasin shumë njerëz dhe vendi i tyre po shkatërrohet, është ankuar ai.
