Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Sindikatës së Pavarur të Sektorit Privat, Jusuf Azemi, ka ngritur shqetësimin për valën e madhe të emigrimit nga Kosova gjatë pesë vjetëve të fundit, duke theksuar se numri real i qytetarëve që janë larguar është shumë më i lartë se statistikat zyrtare. Sipas Azemit, mbi 350 mijë qytetarë kanë lënë Kosovën në këtë periudhë, prej të cilëve rreth 200 mijë kanë gjetur punë kryesisht në Gjermani. Ai thekson se pjesa më e madhe e emigrantëve janë punëtorë të sektorit privat, të cilët përballen me paga të ulëta, mungesë sigurie në punë dhe mungesë perspektive ekonomike. “Është e pamundur të mbijetosh me 600 euro pagë mesatare. Punëtorët kanë pritur përmirësim, por realiteti është se nuk ka paga të mira, as sigurime dhe as siguri në punë. Kjo ka bërë që shumë prej tyre të kërkojnë një jetë më të mirë jashtë vendit,” ka deklaruar Azemi. Ai ka apeluar që institucionet e vendit të ndërmarrin masa urgjente për përmirësimin e kushteve të punës dhe rritjen e pagave, në mënyrë që Kosova të mos vazhdojë të humbasë fuqinë e saj punëtore.
