Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefja e Politikës së Jashtme të Bashkimit Evropian, Kaja Kallas, ka theksuar rëndësinë strategjike të Ballkanit Perëndimor për Bashkimin Evropian, duke e cilësuar rajonin si pjesë të pandashme të familjes evropiane. Në një deklaratë për gazetarët para samitit BE-Ballkani Perëndimor, Kallas shprehu angazhimin e saj për forcimin e marrëdhënieve ndërmjet BE-së dhe vendeve të rajonit. Ajo theksoi se Ballkani Perëndimor ka një rol të veçantë për Bashkimin Evropian dhe se avancimi i bashkëpunimit është një prioritet i rëndësishëm. Kallas vuri në dukje rëndësinë e diskutimeve për planin e rritjes dhe nënshkrimin e një marrëveshjeje për siguri dhe mbrojtje me Shqipërinë, duke e cilësuar këtë si një hap domethënës drejt zgjerimit të bashkëpunimit. Sa i përket procesit të zgjerimit të BE-së, Kallas shprehu vendosmërinë që ky proces të shënojë progres gjatë mandatit aktual pesëvjeçar.
