Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shkrimtari dhe studiuesi i mirënjohur i Britanisë së madhe, Kenan Malik, thotë se histeria e mediave britanike me emigrantët shqiptarë që kalojnë Kanalin me gomone, është krejt e ndryshme nga realiteti që tregojnë shifrat. Turri i mediave britanike nisi nga një artikull në “Daily Mail” që supozonte se kishte në dorë një raport sekret të inteligjencës ushtarake, ku pretendohej se 40% e atyre që kalonin Kanalin ishin shqiptarë. Sipas tij, nga ngjarja përfitoi sekretarja britanike e Punëve të Brendshme, Priti Patel, duke e përdorur si propagandë për qëllimet e saj politike. “Shikoni panikun e fundit për shqiptarët. Filloi me një artikull në Daily Mail , duke u mbështetur në një “raport sekret të inteligjencës ushtarake”, duke pretenduar se 40% e emigrantëve që kalojnë përmes Kanalit ishin shqiptarë. Programi “Today i Radio 4” të enjten pohoi se “zyrtarët e qeverisë besojnë se shumica” e njerëzve që mbërrijnë me varka të vogla ishin nga Shqipëria, një pretendim i paraqitur pa sfidë si fakt. Po atë ditë, Home Office shkroi për largimin e shqiptarëve, të cilët me sa duket nuk kërkojnë azil sepse vijnë nga një “komb i sigurt dhe i begatë”, shkruan Malik në një artikull të publikuar në The Guardian.
