KF “UV Malisheva” ka siguruar kalimin në Ligën e parë të Kosovës në futboll

07/05/2019 Institucionet

Klubi i Futbollit “UV Malisheva”, tri xhiro para përfundimit të kampionatit, e ka siguruar kalimin nga Liga e dytë në Ligën e parë, falë fitores me rezultat 3:1 ndaj KF “Vëllazëria” nga Zhuri, duke e siguruar edhe matematikisht vendin e parë në Ligën e dytë A. Ky është suksesi më i madh i ekipit të futbollit të madh për meshkuj dhe kjo është arritur falë angazhimit maksimal të të gjithë lojtarëve, stafit menaxhues të klubit, tifozëve dhe përkrahjes maksimale të komunës së Malishevës. Po ashtu, është përshëndetur nga futbolli edhe lojtari i KF “UV Malisheva”, Nikollë Dushi, i cili i ka dhënë shumë ekipit. Për kontributin e dhënë në ekipin e futbollit, Komuna e Malishevës, përkatësisht Kryetari i Komunës, Ragip Begaj, e ka nderuar me mirënjohje. Edhe kryesia e klubit, gjithashtu e ka falënderuar me mirënjohje, top golashënuesin dhe lojtarin më të mirë të ekipit, Nikollë Dushi. Pas fitores dhe kalimit në Ligën e Parë të Kosovës në Futboll, ekipin e qytetit, e kanë uruar Kryetari i Komunës së Malishevës, Ragip Begaj, nënkryetari Hajdin Berisha, drejtoresha e Drejtorisë për Kulturë, Rini dhe Sport, Besartë Kryeziu-Ramaj, ish drejtoresha e DKRS-së, tani shefe e kabinetit të kryetarit, Blerta Krasniqi, si dhe të gjithë tifozët dhe sportdashësit malishevas.

Kontrolloni gjithashtu

Kryetari Haliti mbledh Këshillin e Drejtorëve, kërkon mobilizim të plotë pas paralajmërimeve për përkeqësim të motit

Nën kryesimin e kryetarit të Komunës së Vitisë, Sokol Haliti, sot është mbajtur mbledhja e …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara