Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një vit pas sulmeve të brutale, në Zveçan, ku dhjetëra ushtarë të KFOR-it u lënduan rëndë, nga protestuesit serbë, tensionet në veri të Kosovës, sërish kanë shkaktuar shqetësime serioze për sigurinë e forcave ndërkombëtare. Ish-komandanti i KFOR-it, Angjelo Mikele Ristuçia, asokohe pati kritikuar ashpër qeverinë e Kosovës për veprime të njëanshme, të cilat detyruan ndërhyrjen e KFOR-it për të shmangur tragjedinë. Tani, ambasadori amerikan në Kosovë, Jeffrey Hovenier, ka ngritur alarmin për rrezikun që përballet nga planet e qeverisë për hapjen e Urës së Ibrit, duke specifikuar për herë të parë rrezikun për jetën e ushtarëve amerikanë. Hovenier ka theksuar se SHBA-ja nuk mbështet ndryshimin e statusit të urës, duke paralajmëruar për një rritje të tensioneve dhe dhunës që mund të vënë në rrezik trupat ndërkombëtare dhe komunitetet lokale.
