KKMSH: Vitia me 16 raste aktive me virusin COVID-19

01/10/2020 Institucionet

Komiteti Komunal për Mbrojtje dhe Shpëtim (KKMSH) në komunën e Vitisë në mbledhjen e rregullt të mbajtur sot ka diskutuar mbi gjendjen epidemiologjike nga virusi COVID-19 në Komunën e Vitisë. Gjatë këtij takimi Kryetari i Komunës së Vitisë, Sokol Haliti që është njëherit edhe kryesues i këtij komiteti ka theksuar  se numri i të infektuarave po bie në këtë komunë. “Kemi rënie të numrit të infektuarave të qytetarëve tanë me virusin COVID-19, ky është një trend pozitiv dhe uroj që vazhdon të bie ky numër.  Deri me tani i kemi 16 raste aktive të qytetarëve të infektuar me koronavirus fatmirësisht aktualisht gjendja e tyre shëndetësore është e mirë. Megjithatë lus qytetarët që të respektojnë udhëzimet e ekspertëve në veçanti edhe rekomandimet e IKSHPK-së me qëllim të ruajtjes së shëndetit publik”, u shpreh Kryetari Haliti. Ai gjatë këtij takimi theksoj se kjo komunë po vazhdon me masat mbrojtëse kundër përhapjes së këtij virusi. Por pati edhe një falënderim për të gjithë donatorët që në këtë kohë të pandemisë ju kanë dalë në ndihmë institucioneve dhe qytetarëve si në sigurimin e mjeteve mbrojtëse kundër virusit në fjalë por edhe të sigurimit të pakove ushqimore për qytetarët me gjendje të vështirësuar ekonomike. Ai pati edhe një falënderim të veçantë për stafin shëndetësor të QKMF-së në veçanti për drejtoreshën Dr. Vjollca Kadolli-Halili. Ndërkaq Komandanti i Stacionit Policor në Viti, Kapiten Afrim Halili, ka folur mbi angazhimin e policisë në kohën e pandemisë por edhe mbi situatën e përgjithshme të sigurisë në këtë komunë. Ai bëri me dije se krahasuar me përudhen e njëjte të vitit të shkuar ka rënie të rasteve kriminale por edhe të aksidenteve në trafik.  Ai bëri me dije se Stacioni Policor në Viti mbetet i përkushtuar të përmbush obligimet e veta.

Kontrolloni gjithashtu

Komuna e Deçanit nënshkruan marrëveshje bashkëpunimi me kompaninë PMN Sh.P.K

Komuna e Deçanit ka nënshkruar marrëveshje bashkëpunimi me kompaninë PMN Sh.PK. “Nënshkruam kontratën me kompaninë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara