KO- Për shënimin e 16 Qershorit – Ditës së Dëshmorëve dhe Ditës së Çlirimit të Komunës së Malishevës mbajti takimin e parë

09/06/2020 Institucionet

Këshilli Organizativ i Komunës së Malishevës, i dalë nga Kuvendi Komunal me përfaqësues të subjekteve politike në Kuvend si dhe nga zyra e kryetarit e po ashtu edhe nga përfaqësuesi i Shoqatave të Dala nga Lufta e Ushtrisë Çlirimtare të Kosovës, mbajti takimin e parë, për shënimin e 16 Qershorit – Ditës së Dëshmorëve dhe Ditës së Çlirimit të Komunës së Malishevës . Takimin e udhëhoqi, Kryetari i Komunës së Malishevës, Ragip Begaj, ku i njoftoi anëtarët e Këshillit Organizativ me ecuritë e punës dhe situatën aktuale me COVID- 19, me të cilën ende përballet komuna e Malishevës , prandaj kësaj radhe edhe pse 16 qershori ka rëndësi të madhe kombëtare për Komunën dhe qytetarët e Malishevës, masat kundër pandemisë me koronavirues duhet të respektohen. Të gjithë anëtarët e KO, u pajtuan me këto masa, dhe duke dhënë kontribut në debat, kërkuan që 16 Qershori, të shënohet, por duke respektuar masat që ende janë në fuqi të rekomanduara, nga IKSHPK. Ata u pajtuan që anëtarët e Këshillit Organizativ të mbajnë edhe një takim, më 11.06.2020, në ora 13:00, ku edhe përfundimisht do të vendosin për mënyrën e shënimit të Ditës së Dëshmorëve dhe Ditës së Çlirimit të Komunës së Malishevës.

Kontrolloni gjithashtu

Në komunën e Ferizajt u publikua raporti për vlerësimin e nevojave të rinisë për vitin 2024

U publikua raporti për vlerësimin e nevojave të rinisë për vitin 2024, në komunën e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara