Komandanti i Forcës së Sigurisë të Kosovës, gjenerallejtënant Rrahman Rama, priti sot në takim njohës komandantin e ri të KFOR-it, gjeneral majorin Lorenzo D’Addario. Gjeneral Rama së pari i uroi detyrën e re komandantit të KFOR-it, gjeneralit Lorenzo D’Addario dhe më pas e njoftoi me zhvillimet e fundit rreth miratimit të ligjeve për misionin të ri të FSK-së. Ai poashtu e falënderoi për bashkëpunimin e vazhdueshëm ndërmjet NATO/KFOR-it dhe FSK-së, që është realizuar në fusha të ndryshme. Gjatë takimit, të dy gjeneralët vlerësuan lart bashkëpunimin e FSK-së me KFOR-in dhe shprehën gatishmëri për vazhdimin dhe thellimin e këtij bashkëpunimi edhe në të ardhmen.
![Komandanti i FSK-së, Rahman Rama priti komandantin e ri të KFOR-it gjeneral majorin, Lorenzo D’Addario](https://www.radiokosovaelire.com/wp-content/uploads/27_12_2018_653510_1__Komandanti_i_FSK_se_Rrahman_Rama_priti_komandantin_e_KFOR_it_Frances_Lorenzo_D___Addario-660x330.jpg)