Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i KFOR-it në Kosovë, gjeneralmajori turk, Özkan Ulutash, në krye të misionit të udhëhequr nga NATO, ka zhvilluar një takim me ambasadorët e vendeve të Quint-it për të shkëmbyer pikëpamje në lidhje me zhvillimet e sigurisë në Kosovë dhe në rajon. Në një njoftim është theksuar përkushtimi i palëkundur i Komunitetit Ndërkombëtar për stabilitetin rajonal dhe për punën e vazhdueshme të KFOR-it në zbatimin e mandatit të tij, si dhe mbështetjen e dialogut ndërmjetësuar nga BE-ja mes Beogradit dhe Prishtinës. KFOR-i, duke u bazuar në Rezolutën 1244 të Këshillit të Sigurimit të OKB-së të vitit 1999, vazhdon të ofrojë një mjedis të sigurt për të gjitha komunitetet në Kosovë dhe lirinë e lëvizjes në mënyrë të paanshme. Ulutaş ka biseduar me ambasadorët e Shteteve të Bashkuara të Amerikës, Mbretërisë së Bashkuar, Francës, Gjermanisë, Turqisë, Italisë dhe përfaqësuesen e BE-së në Kosovë, për të diskutuar sfidat dhe mundësitë për të përforcuar stabilitetin dhe sigurinë në rajon.
