Komuna e Rahovecit binjakëzohet me dy komuna Italiane, Frascineto dhe Civita

23/09/2019 Institucionet

Kryetari i komunës së Rahovecit, Smajl Latifi ka nënshkruar dy deklarata që kanë të bëjnë me binjakëzimin e komunës së Rahovecit me dy komuna të Italisë, Frascineto dhe Civita. Në ceremoninë e nënshkrimit të pranishëm ishin Angelo Catapano komuna Frascineto, Alessandro Tocci komuna Civita dhe Ministrja e Ministrisë së Administrimit të Pushtetit Lokal, Adriana Hociq. Në dokumentin e nënshkruar në mes të komunës së Rahovecit dhe dy komunave Italiane, Frascineto dhe Civita thuhet se palët nënshkruese të Deklaratës do të hulumtojnë dhe harmonizojnë marrëdhënie të ndryshme ekonomike si dhe mundësinë e bashkëpunimit në fushën e zhvillimit rajonal dhe rural, në ekonomi, bujqësi, programe, fonde dhe projekte të BE-së, turizëm, kulturë, sport, arsim, shkencë, dhe fusha tjera për të cilën palët nënshkruese mund të shprehin interesimin e tyre dhe të krijojnë kushte për thellimin e mbështetjes së marrëdhënieve miqësore të administratës rajonale, vendbanimeve dhe vetëqeverisjes lokale në të dy anët. Po ashtu në Deklaratën e nënshkruar thuhet se palët nënshkruese do të fillojnë elaborim të hollësishëm të përmbajtjes së Marrëveshjes së Bashkëpunimit, e  cila në pajtim me ligjin e brendshëm të secilës palë, do të miratohet nga autoritetet kompetente të palëve nënshkruese të kësaj Deklarate. Deri tek binjakëzimi i komunës së Rahovecit dhe dy komunave Italiane ka ardhur pas marrjes së vendimit në mbledhjen e tetë të kuvendit komunal të Rahovecit, të mbajtur me 30/08/2019.

Kontrolloni gjithashtu

Kryetari Haliti ka vizituar fshatin piktoresk Lubishtë

Kryetari i komunës së Vitisë Sokol Haliti, ka vizituar fshatin piktoresk Lubishtë të Vitisë, aty …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara